ខេត្តកែប, រសៀលថ្ងៃព្រហស្បតិ៍​ ១២រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៥ ខែសីហា​ ឆ្នាំ២០២១ ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប បានអញ្ជើញចូលរួមកិច្ចប្រជុំ​ពិភាក្សាគម្រោងចំណូល​ ចំណាយថវិការបស់រដ្ឋបាលរាជធានី​ ខេត្ត សម្រាប់ការគ្រប់គ្រងឆ្នាំ២០២២​ ជាមួយក្រសួងសេដ្ឋកិច្ច​ និងហិរញ្ញវត្ថុ តាមរយៈប្រព័ន្ធវីដេអូ (Zoom Meeting) ។ កិច្ចប្រជុំនេះដែរ មានការចូលរួមពីសំណាក់ អភិបាលរងខេត្តទទួលបន្ទុក នាយករដ្ឋបាលសាលាខេត្ត ប្រធានមន្ទីរសេដ្ឋកិច្ច និងហិរញ្ញវត្ថុខេត្ត ប្រធានសាខាពន្ធដារខេត្ត នាយកទីចាត់ការហិរញ្ញវត្ថុសាលាខេត្ត និងមន្ត្រីពាក់ព័ន្ធផ្សេងទៀត ៕