អតិថិជនដែលមានសិទ្ធទទួលសេវា៖

• ប្រជាពលរដ្ឋខ្មែរ និងជនបរទេសស្របច្បាប់

នីតិវិធីនៃការផ្តល់សេវាការបង្កើតក្លឹបហាត់ប្រាណ មានចំនួន ១៦ដំណាក់កាលដូចខាងក្រោម៖

1. អតិថិជនដាក់ពាក្យស្នើសុំសេវានៅមន្ត្រីផ្តល់ទទួលព័ត៌មានដែលនៅផ្នែកជួរមុខ
2. អតិថិជនទទួលបង្កាន់ដៃទទួលពាក្យពីមន្ត្រីផ្តល់ព័ត៌មាន
3. មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅបេឡាករ
4. អតិថិជនអញ្ជើញទៅបងប្រាក់ថ្លៃសេវានៅបេឡាករ
5. អតិថិជនទទួលបង្កាន់ដៃបង់ប្រាក់ថ្លៃសេវា
6. មន្ត្រីផ្តល់ទទួលព័ត៌មានបញ្ជូនពាក្យស្នើសុំទៅប្រធានការិយាល័យ
7. ប្រធានការិយាល័យបញ្ជូនទៅមន្ត្រីបច្ចេកទេសដែលនៅផ្នែកជួរក្រោយ
8. មន្ត្រីបច្ចេកទេសធ្វើដំណើរទៅទីតាំងស្នើសុំដើម្បីពិនិត្យ និងវាយតម្លៃ
9. មន្ត្រីបច្ចេកទេសត្រូវធ្វើរបាយការណ៍បន្ទាប់ពីពិនិត្យ និងវាយតម្លៃរួច
10. បញ្ជូនរបាយការណ៍មកប្រធានការិយាល័យ
11. ប្រធានការិយាល័យដាក់របាយការណ៍ជូនអភិបាលរងដើម្បីពិនិត្យបន្ត
12. បន្តដាក់របាយការណ៍ជូនអភិបាលដើម្បីពិនិត្យ និងសំរេចចុងក្រោយ
13. មន្ត្រីរដ្ឋបាលក្រុង ស្រុក ខណ្ឌ ធ្វើការចុះលេខ
14. បញ្ជូនអាជ្ញាប័ណ្ណទៅប្រធានការិយាល័យបន្ទាប់ពីចុះលេខរួច
15. បញ្ជូនអាជ្ញាប័ណ្ណបន្តទៅមន្ត្រីផ្តល់ទទួលព័ត៌មានដែលនៅផ្នែកជួរមុខ
16. ផ្តល់អាជ្ញាប័ណ្ណដែលជាលទ្ធផលជូនអតិថិជន។

ដើម្បីទទួលបានសេវាការបង្កើតក្លឹបហាត់ប្រាណ អ្នកប្រើប្រាស់សេវាត្រូវយកភ្ជាប់ជាមួយ រួមមាន៖

• អត្តសញ្ញាណប័ណ្ណ ឬលិខិតឆ្លងដែនរបស់អ្នកស្នើសុំថតចម្លងចំនួន ១ច្បាប់
• ប្លង់បង្ហាញទីតាំងអាជីវកម្ម ចំនួន១ច្បាប់
• រូបថត 4×6 ចំនួន៣សន្លឹក
• សំណុំឯកសារពាក់ព័ន្ធនានា ចំនួន១ច្បាប់